कथा गणरायाच्या जन्माची

गणपती ही विद्येची देवता आहे. पार्वती मातेने मळापासून गणेशाची मूर्ती तयार केली तो दिवस म्हणजे गणेश चतुर्थी होय. माता आंघोळीला गेलेली असताना रक्षक म्हणून गणेशाला बाहेर उभे केले भगवान श्रीशंकर यांनी प्रवेश करताच गणपती बाप्पांनी त्यांना अडवले तेव्हा क्रोध अनावर होऊन भगवान श्रीशंकरांनी त्याचे मुंडके छाटले पार्वती मातेला हे समजतात त्यांनी आक्रोश केला व माझ्या मुलाला जिवंत करून द्या अन्यथा मी जिवंत राहणार नाही असे सांगितल्यावर शंकर भगवान निघाले रस्त्यात त्यांना हत्तीचे पिल्लू दिसले त्यांनी त्याचे मुंडके छाटून आणले व गणपती बाप्पाला बसवले तो दिवस म्हणजे गणेश जयंती म्हणजे माघी गणेशोत्सव अशी दंतकथा आहे त्यामुळे गणेशोत्सव वर्षातून दोन वेळा साजरा केला जातो . आमच्याकडे भाद्रपद महिन्यातील गणेश जयंतीला गेले 26 वर्ष अखंडपणे बप्पा दीड दिवसासाठी विराजमान होतात. बाप्पांच्या आशीर्वादाने सर्वत्र आनंदाचे व उत्साहाचे वातावरण असते. हिंदू धर्मातील गणेशोत्सव हा अतिशय महत्त्वाचा उत्सव आहे. पारंपरिक पद्धतीने तो साजरा केला जातो. बाप्पाला मोदक खूप आवडतो त्याचप्रमाणे लाडूही खूप प्रिय आहे. गणपती बाप्पाचे सुपा एवढे कान आपल्या सर्वांचे दुःख ऐकून घेतात व त्यांचे हरण करतात म्हणून त्यांना विघ्नहर्ता असेही म्हणतात. गणपती बाप्पा मोरया मंगलमूर्ती मोरया

Kind

Story

Place

Thane

Art

Staging Plays and Tales (Nāṭikākhyāyikā-darśana) · Kala 9

Contributed by

डॉ. विलास विठ्ठल भिसे

Submitted

22 September 2026

Accepted

22 September 2026