बाप्पा आला माझ्या दारी, शोभा आली माझ्या घरी. संकट देवा तू सामावून घे, आशीर्वाद भरभरून दे! गणपती बाप्पा मोरया, मंगलमूर्ती

गणपती बाप्पाची पृथ्वी प्रदक्षिणाएकदा कार्तिकेय आणि गणपती या दोन्ही भावांमध्ये आपण श्रेष्ठ कोण, यावरून स्पर्धा लागली. तेव्हा भगवान शिव आणि माता पार्वतीने दोघांसमोर एक परीक्षा ठेवली. त्यांनी सांगितले, "जो कोणी संपूर्ण पृथ्वीची प्रदक्षिणा करून सर्वात आधी जिथे येईल, तोच श्रेष्ठ ठरेल."हे ऐकताच कार्तिकेय आपल्या मयूरावर (मोरावर) बसून पृथ्वीची प्रदक्षिणा करण्यासाठी वेगाने निघून गेले.परंतु, लंबोदर गणपती बाप्पांचा वाहन उंदीर होता. ते विचार करू लागले की, या छोट्या उंदरावर बसून मी संपूर्ण पृथ्वीची प्रदक्षिणा कशी करणार? पण बाप्पा अतिशय बुद्धिवान होते. त्यांनी एक छान युक्ती केली.गणपतीने आपल्या माता-पिता म्हणजेच शिव आणि पार्वती यांनाच देव मानले आणि अत्यंत आदराने त्यांच्याभोवती सात वेळा प्रदक्षिणा घातली.जेव्हा कार्तिकेय पृथ्वी प्रदक्षिणा करून थकून वापस आले, तेव्हा त्यांनी पाहिले की गणपती आधीच तिथे बसले आहेत. कार्तिकेय म्हणाले, "मी संपूर्ण पृथ्वी चक्कर मारून आलो आहे."तेव्हा गणपती बाप्पा हसत म्हणाले, "माता-पित्याची सेवा हीच सर्व जगाची आणि तीर्थांची प्रदक्षिणा आहे. आई-वडिलांच्या चरणांमध्येच संपूर्ण ब्रम्हांड असते."हे ऐकून शिव-पार्वती आणि कार्तिकेय अतिशय प्रसन्न झाले. त्या दिवसापासून गणपतीची बुद्धिमत्ता आणि माता-पित्यावरील भक्ती सर्वश्रेष्ठी मानली जाऊ लागली.

Kind

Story

Place

Jalgaon

Art

Staging Plays and Tales (Nāṭikākhyāyikā-darśana) · Kala 9

Contributed by

Recorded, name withheld by the contributor

Submitted

22 September 2026

Accepted

22 September 2026