आमच्या सुर्वे घराण्यातील गणपती

🙏🌺 आमचा कुटुंब गणपती उत्सव… 🌺🙏 पोसरे येथील पाटलांच्या घरी येणारा मानाचा गणपती हा आमच्यासाठी केवळ एक सण नाही, तर आमच्या संपूर्ण कुटुंबाला एकत्र आणणारा आनंदाचा उत्सव आहे. ❤️ माझ्या सासूबाई एकट्या असल्यामुळे आणि त्यांना भाऊ-बहीण कोणी नसल्याने त्या त्यांच्या माहेरी, पाटलांच्या घरी येऊन राहिल्या… आणि त्या नात्याने आमच्या सुर्वे कुटुंबालाही या गणपती उत्सवाशी एक अतूट नातं जोडले गेलं. 🙏 माझे पती आणि त्यांचे चार भाऊ, त्यांच्या पत्नी, मुलं आणि आमच्या कुटुंबातील सगळे जण—अशी जवळपास ३० ते ३५ माणसं गणपती बसल्यापासून अनंत चतुर्दशीपर्यंत एकत्र राहतो. 🏡❤️ एकाच घरात एवढी माणसं, पण मन मात्र एकच… हसणं, गप्पा, मस्करी, आरती, प्रसाद, जेवणावळी आणि मुलांचा अखंड धिंगाणा… 😍 मुलांसाठी तर हा सण म्हणजे त्यांच्या सगळ्या भावंडांसोबत मिळणारी एक सुंदर सुट्टीच असते. 🥰 वर्षभर प्रत्येकजण आपापल्या संसारात व्यस्त असतो; पण गणपती आला की सगळे रस्ते पुन्हा आपल्या माणसांकडेच येतात. घर माणसांनी भरतं, अंगण हसण्याने भरतं आणि मन जुन्या आठवणींनी भरून जातं. ❤️ हा गणपती आम्हाला फक्त देवदर्शन देत नाही, तो आम्हाला एकत्र येण्याचं, नाती जपण्याचं आणि कुटुंब म्हणजे काय असतं हे पुन्हा अनुभवण्याचं भाग्य देतो. 🙏🌺 पाच भाऊ… त्यांची मुलं… अधे मध्ये भजनाची बारी, माझे दीर स्वतः पेटी वाजवतात माझे पती माझे दीर तबला वाजवतात मुलं चकवा वाजवण्याचा काम करतात तुमच्या कुटुंबाचे मिळून एकच भजन मंडळ तयार होईल असं कुटुंब आहे. आमचं मोठं कुटुंब… आणि बाप्पाचा आशीर्वाद! यापेक्षा मोठा उत्सव आमच्यासाठी दुसरा कोणता? ❤️

Kind

Story

Place

Ratnagiri

Art

Choral Recitation (Sampāṭhya) · Kala 5

Contributed by

Recorded, name withheld by the contributor

Submitted

21 September 2026

Accepted

21 September 2026