उकडीचे मोदक

कृती सारण: कढईत ½ टीस्पून तूप गरम करून त्यात खोबरे आणि गूळ घाला. मंद आचेवर गूळ वितळेपर्यंत शिजवा. वेलची पूड घालून गॅस बंद करा. सारण पूर्ण थंड होऊ द्या. उकड: एका भांड्यात १ कप पाणी, तूप आणि मीठ उकळायला ठेवा. पाणी उकळल्यावर गॅस मंद करा आणि त्यात तांदळाचे पीठ हळूहळू घालत सतत ढवळा व एक चमचा मैदा झाकण ठेवून ५ मिनिटे वाफ येऊ द्या. पीठ कोमट असतानाच मऊसर मळून घ्या. हाताला थोडे तूप लावून पिठाचा छोटा गोळा घ्या आणि पातळ वाटीप्रमाणे पसरवा. त्यात १–१½ चमचा सारण भरा. कडांना पाकळ्या/पारी करून सर्व पाकळ्या वर आणून मोदक बंद करा. मोदकांना तुपाचा हात लावलेल्या चाळणीवर ठेवून १०–१२ मिनिटे वाफवून घ्या.वर एक एक केसर लावा गरमागरम मोदकावर थोडे तूप घालून सर्व्ह करा.

Kind

Recipe

Place

Palghar

Art

Cooking (Citra-śāka-pūpa-bhakṣya-vikāra-kriyā) · Kala 42

Contributed by

ashwini raut

Submitted

21 September 2026

Accepted

21 September 2026