CHIMBIPADAYACHA RAJA

चिंबीपाडा गावाची सात वर्षांनी येणारी “साथ” परंपरा चिंबीपाडा गावामध्ये पूर्वापार चालत आलेली दर सात वर्षांनी साजरी होणारी “साथ” ही एक महत्त्वाची सामुदायिक परंपरा आहे. या परंपरेमध्ये गावातील सर्व समाजातील नागरिक एकत्रितपणे सहभागी होतात. गावात बहुसंख्य आदिवासी समाज असून काही प्रमाणात नवबौद्ध समाजाची कुटुंबेही आहेत. सर्वजण मिळून ही परंपरा श्रद्धा, एकोपा आणि सामूहिक सहभागाने साजरी करतात. पहिल्या दिवशी रात्री गावातील गावदेवीच्या मंदिरात रात्रभर जागरण व गोंधळ केला जातो. या वेळी गावकरी मोठ्या संख्येने मंदिरात उपस्थित राहून पारंपरिक पद्धतीने कार्यक्रमात सहभागी होतात. दुसऱ्या दिवशी सकाळी गावातील सर्व लोक एकत्रितपणे गावाबाहेर नदीच्या ठिकाणी जातात. तेथे सामूहिकरीत्या भोजन केले जाते. या सामूहिक भोजनातून गावातील सामाजिक एकोपा आणि परस्पर सहकार्याची भावना दिसून येते. त्यानंतर संध्याकाळच्या वेळी सर्वजण आपापले "संसार” घेऊन गावात परत येतात. गावदेवीच्या मंदिराला फेरा मारून आपल्या घरी जातात. अशा प्रकारे या पारंपरिक विधीची सांगता होते. ही परंपरा केवळ धार्मिक विधी नसून गावातील सामाजिक एकता, आदिवासी लोकसंस्कृती, सामूहिक जीवनपद्धती आणि पिढ्यान्‌पिढ्या जपल्या गेलेल्या गावच्या परंपरांचे प्रतीक आहे. विशेष म्हणजे वेगवेगळ्या सामाजिक पार्श्वभूमीतील गावकरी एकत्र येऊन ही परंपरा पार पाडतात, त्यामुळे चिंबीपाड्याच्या सामाजिक ऐक्यालाही या परंपरेत महत्त्वाचे स्थान आहे.

Kind

Story

Place

Thane

Art

Rules of Discipline (Vainayikī vidyā) · Kala 63

Contributed by

Recorded, name withheld by the contributor

Submitted

21 September 2026

Accepted

21 September 2026