भिवंडी महानगरपालिका अधिकारी कर्मचारी यांनी स्थापन केलेल्या गणपती बाप्पाची 44 वर्षांची परंपरा

छत्रपती शिवाजी नगर सार्वजनिक गणेशोत्सव मंडळ ४४ वर्षांची अखंड परंपरा, एकजूट आणि सांस्कृतिक वारसा भिवंडी निजामपूर शहर महानगरपालिकेच्या छत्रपती शिवाजी नगर येथील अधिकारी व कर्मचारी वसाहतीमध्ये सन १९८२ साली सार्वजनिक गणेशोत्सवाची मुहूर्तमेढ रोवण्यात आली. महानगरपालिकेतील अधिकारी व कर्मचारी यांनी एकत्र येत सुरू केलेला हा गणेशोत्सव आज केवळ धार्मिक उत्सव न राहता आपुलकी, एकजूट, सामाजिक बांधिलकी आणि सांस्कृतिक परंपरेचे प्रतीक बनला आहे. त्या काळी अधिकारी व कर्मचारी वसाहतीमध्ये असलेल्या सांस्कृतिक केंद्रात सार्वजनिक गणेशोत्सवासोबतच छत्रपती शिवाजी महाराज जयंती, होळी तसेच विविध सामाजिक व सांस्कृतिक कार्यक्रम मोठ्या उत्साहात साजरे केले जात होते. या उपक्रमांमधून अधिकारी-कर्मचारी तसेच त्यांच्या कुटुंबीयांमध्ये एक स्नेहबंध निर्माण झाला. कालांतराने सदर अधिकारी व कर्मचारी वसाहतीची इमारत अतिधोकादायक झाल्यामुळे पाडण्यात आली. वसाहत आणि तिच्या इमारती अस्तित्वात नसल्या तरी त्या ठिकाणाशी जोडलेली माणसांची नाळ मात्र आजही कायम आहे. या वसाहतीमध्ये पूर्वी वास्तव्यास असलेले तसेच सध्या महानगरपालिकेत कार्यरत असलेले आणि सेवानिवृत्त झालेले अधिकारी व कर्मचारी आजही एकत्र येतात. जुने सहकारी, जुन्या आठवणी आणि गणरायावरील श्रद्धा यांच्या बळावर त्याच ठिकाणी विविध सण-उत्सव अखंडितपणे साजरे केले जात आहेत. सन १९८२ मध्ये सुरू झालेल्या या गणेशोत्सवाने यावर्षी ४४ वर्षांचा महत्त्वपूर्ण टप्पा पूर्ण केला आहे. या ४४ वर्षांच्या प्रवासात अनेक अधिकारी-कर्मचारी बदलले, अनेक जण सेवानिवृत्त झाले, नवीन पिढी पुढे आली आणि परिस्थितीत अनेक बदल झाले; मात्र गणेशोत्सवाची परंपरा आणि एकजुटीची भावना आजही तितकीच जिवंत आहे. यंदाच्या गणेशोत्सवानिमित्त मंडळाच्या वतीने विविध धार्मिक, सांस्कृतिक, सामाजिक व जनजागृतीपर उपक्रमांचे आयोजन करण्यात आले आहे. या उपक्रमांमधून समाजात सकारात्मक संदेश देण्यासोबतच नव्या पिढीला आपल्या सांस्कृतिक परंपरा आणि सामाजिक मूल्यांची ओळख करून देण्याचा प्रयत्न करण्यात आला आहे. हा गणेशोत्सव म्हणजे केवळ उत्सव नाही, तर चार दशकांहून अधिक काळ जपलेली माणुसकीची नाती, सहकाऱ्यांची मैत्री, कुटुंबांचा स्नेह आणि एकत्रितपणाची परंपरा आहे. वसाहतीच्या इमारती काळाच्या पडद्याआड गेल्या, मात्र त्या वास्तूमध्ये निर्माण झालेल्या आठव

Kind

Story

Place

Thane

Art

The Art of Memory (Dhāraṇā-mātṛkā) · Kala 62

Contributed by

Recorded, name withheld by the contributor

Submitted

21 September 2026

Accepted

21 September 2026