माझा लाडका बाप्पा

माझ्या घरचा गणपती पाच दिवसाचा असतो. माझ्या घरी आमच्या कुटुंबाची गौराई येते. आम्ही सर्वजण पाच दिवस एकत्र असतो. गणपतीची गाणी नाच भजन यामध्ये आमचे पाच दिवस आनंदात जातात. माझी गौराई दीड दिवसांसाठी येते. गणपतीच्या पहिल्या दिवशी गणपतीच्या आवडता पदार्थ म्हणजे मोदक केला जातो. मनोभावे गणपतीची पूजा करून त्याची स्थापना आमच्या घरामध्ये केली जाते आणि त्यामध्ये माझ्या घरातील सर्व लहान मोठे सामील होऊन आरतीला एकत्र आनंदाने सहभागी होतात. पाच दिवस सकाळ संध्याकाळ माझं घर व्यक्तीच्या वातावरणामध्ये भरून गेलेलं असतं घराचं जसं की मंदिर होतं. गौराई ही तिसऱ्या दिवशी येते. जेव्हा गौराई येते तेव्हा तिला माठाची भाजी आणि भाकरीच्या नैवेद्य दाखवला जातो. दुसऱ्या दिवशी गौराईचा ववसा असतो त्या दिवशी सुवासिनी माझ्या घरी येऊन माझ्या गौराईची मनोभावे पूजा करतात आणि तिची खणानारल्याने ओटी भरून संसार सुखाचा व्हावा यासाठी मनोभावे प्रार्थना करतात. त्यादिवशी आम्ही गौराईला पुरणपोळीचा नैवेद्य दाखवतो. गौराई साठी भंडारा एक केला जातो त्यामध्ये तिचे दागिने बनविले जातात. माझा गणपती हा पाच दिवसाचा असून तो पाचव्या दिवशी विसर्जन केला जातो त्या दिवशी खूप दुःख होतं ज्या दिवसाची वर्षभर आतुरतेने वाट बघतो ते पाच दिवस जणू काही पाच मिनिटांसाठी पटकन निघून जातात. मुखी फक्त गणरायाचं नाम आणि डोळ्यांमध्ये त्याचे रूप पाहून मनाला जी शांती मिळते ती स्वर्गसुखा एवढी असते. पाच दिवस गणपती बाप्पाचे मनोभावे सेवा करून त्याला निरोप देताना कंठ दाटून येतो. पण मनामध्ये अशा असते की बाप्पा जरी आता त्याच्या घरी गेला तरी पुढच्या वर्षी तर नक्की माझ्या भेटीला येईल. या आशेने मन भरून आले असतानाही त्याला हसतच निरोप देतो. माझ्या घरातील सर्व लोक गणपती बाप्पाचा मखर अगदी आवडीने पंधरा दिवस आधी करतात.

Kind

Story

Place

Thane

Art

Arranging a Chamber (Śayana-racanā) · Kala 41

Contributed by

मु. कांबे, ता. भिवंडी, जि. ठाणे

Submitted

20 September 2026

Accepted

20 September 2026