My experience with ganapati uthsav

Actually hum log pehle se Ganpati Utsav nahi manate the. Bas 2-3 saal pehle ki baat hai, jab meri chhoti behen ne bilkul khel-khel mein Ganpati Bappa ki pooja karni start ki thi. Tab humne bhi socha nahi tha ki ye chhoti si shuruaat hamare ghar ki itni beautiful tradition ban jayegi. Us saal Bappa ke aane ke baad ghar ka jo mahaul tha na, usme ek alag hi positivity aur happiness thi. Pura ghar ek saath tha, sabne milkar pooja ki, time spend kiya aur honestly woh feeling hum sabko itni achhi lagi ki uske baad se humne decide kiya ki ab har saal Ganpati Bappa ko aur bade pyaar aur khushi ke saath ghar layenge. Aur tab se har saal Ganpati Utsav hamare liye sirf ek pooja nahi raha. Ye woh time ban gaya hai jab mere saare relatives, friends aur family ek saath hote hain. Ghar mein poore din ek alag si energy rehti hai, sab milkar Bappa ki seva karte hain, pooja karte hain, haste hain, baatein karte hain aur saath mein beautiful memories banate hain. Kabhi kabhi sochti hoon ki ek chhoti si shuruaat, jo meri chhoti behen ne bas khel-khel mein ki thi, woh aaj hamare family ke liye itni special tradition ban gayi hai. Aur shayad isi liye Ganpati Bappa mere liye itne special hain — kyunki unke saath mere ghar mein sirf Bappa nahi aate, balki happiness, positivity aur mere saare apne log ek saath aa jaate hain.

Kind

Story

Place

Pune

Art

The Art of Memory (Dhāraṇā-mātṛkā) · Kala 62

Contributed by

Recorded, name withheld by the contributor

Submitted

20 September 2026

Accepted

20 September 2026