पर्यावरणपूरक गणेश विसर्जनासाठी एच/पूर्व विभागाची कृत्रिम तलाव सुविधा

बृहन्मुंबई महानगरपालिकेच्या सहाय्यक आयुक्त, एच/पूर्व विभागामार्फत पर्यावरणपूरक गणेश विसर्जनाला प्रोत्साहन देण्यासाठी चेतना महाविद्यालयाजवळ, जिल्हाधिकारी कार्यालयाच्या नजीक, वांद्रे (पू) येथे कृत्रिम विसर्जन तलावाची निर्मिती करण्यात आली आहे. गणेशभक्तांच्या सोयीचा विचार करून चार फुटांपेक्षा कमी उंचीच्या तसेच चार ते सहा फूट उंचीच्या गणेशमूर्तींच्या विसर्जनासाठी स्वतंत्र कृत्रिम तलावांची व्यवस्था करण्यात आली आहे. या सुविधेमुळे विसर्जन प्रक्रिया अधिक सुरक्षित, सुव्यवस्थित आणि पर्यावरणपूरक पद्धतीने पार पडण्यास मदत होणार आहे. बृहन्मुंबई महानगरपालिका सर्व गणेशभक्तांना या कृत्रिम विसर्जन तलावांचा जास्तीत जास्त वापर करून स्वच्छ, सुरक्षित आणि पर्यावरणपूरक गणेशोत्सव साजरा करण्याचे आवाहन करीत आहे.

Kind

Story

Place

Mumbai Suburban

Art

Rules of Discipline (Vainayikī vidyā) · Kala 63

Contributed by

Recorded, name withheld by the contributor

Submitted

20 September 2026

Accepted

20 September 2026