Arogyacha Shri Ganeshaa

*गणरायाच्या साक्षीने आरोग्य तपासणीचा उपक्रम* *‘लोकसंवाद-२०२६’च्या माध्यमातून भाविकांसह नागरिकांची आरोग्य तपासणी* गोंदिया, दि. १८ : ‘लोकसंवाद-२०२६’च्या माध्यमातून नवीन प्रशासकीय इमारत परिसरातील गणरायाच्या दर्शनासाठी येणाऱ्या भाविकांसह नागरिकांची आरोग्य तपासणी जिल्हा शल्य चिकित्सक डॉ पुरुषोत्तम पटले यांच्या नेतृत्वाखाली करण्यात आली. धावपळीच्या जीवनशैलीमुळे वाढणारा ताणतणाव आणि आरोग्यविषयक समस्या लक्षात घेऊन गणेशोत्सवादरम्यान आरोग्य विभागाच्यावतीने या आरोग्य शिबिराचे आयोजन करण्यात आले. या शिबिरात रक्त तपासणी, रक्तदाब तपासणी तसेच अन्य प्राथमिक आरोग्य तपासण्यांसाठी आवश्यक साधने उपलब्ध करून देण्यात आली होती. शासकीय रुग्णालयातील वैद्यकीय अधिकारी डॉ सुवर्णा हुबेकर आणि स्टाफ यांनी नागरिकांची तपासणी करून त्यांना आरोग्यविषयक मार्गदर्शन केले. गणरायाच्या दर्शनासाठी आलेले भाविक, प्रशासकीय कामांसाठी येणारे नागरिक तसेच परिसरातील अन्य नागरिकांनी या आरोग्य शिबिराचा लाभ घेतला. आरोग्य तपासणीदरम्यान उपविभागीय अधिकारी चंद्रकांत खंडाईत, तहसीलदार समशेर पठाण, जिल्हा माहिती कार्यालयातील वरिष्ठ लिपिक धम्मदीप बोरकर यांच्यासह अन्य कर्मचारी उपस्थित होते. माहिती व जनसंपर्क विभागाच्या संयुक्त विद्यमाने आयोजित हे आरोग्य शिबिर शुक्रवारी नवीन प्रशासकीय इमारत परिसरात संपन्न झाले. गणेशोत्सवाच्या माध्यमातून भक्तीबरोबरच नागरिकांच्या आरोग्याची काळजी घेण्याचा संदेश या उपक्रमातून देण्यात आला.

Kind

Story

Place

Beed

Art

Rules of Discipline (Vainayikī vidyā) · Kala 63

Contributed by

Recorded, name withheld by the contributor

Submitted

19 September 2026

Accepted

20 September 2026