Prem Mandir

३८० तासांच्या अथक मेहनतीतून साकारले ६ फूट उंचीचे 3D प्रिंटेड प्रेम मंदिर पुणे/इचलकरंजी : आधुनिक तंत्रज्ञान आणि पारंपरिक कलाकुसरीचा सुंदर संगम साधत Trikriti Studio तर्फे तब्बल ६ फूट उंचीचे प्रेम मंदिर 3D प्रिंटिंग तंत्रज्ञानाच्या माध्यमातून साकारण्यात आले आहे. हे मंदिर तयार करण्यासाठी तब्बल ३८० तासांचा प्रिंटिंग वेळ लागला. या संपूर्ण निर्मितीमध्ये मंदिराच्या प्रत्येक भागातील बारकावे, नक्षीकाम, खांब, कमानी आणि शिखर यांची विशेष काळजी घेण्यात आली आहे. श्रीमंत दगडूशेठ हलवाई गणपतीच्या २०२६ सालच्या सजावटीपासून प्रेरणा घेत या मंदिराची रचना व सजावट करण्यात आली आहे. “कल्पनेला आधुनिक तंत्रज्ञानाची जोड देऊन भारतीय संस्कृती आणि कलाकुसर लोकांपर्यंत पोहोचवणे” हा या प्रकल्पामागील मुख्य उद्देश आहे. 3D प्रिंटिंगच्या माध्यमातून एवढ्या मोठ्या आकाराचे आणि इतक्या बारकाव्यांनी युक्त मंदिर साकारण्याचा हा एक अनोखा प्रयोग असल्याचे Trikriti Studio कडून सांगण्यात आले. गणेशोत्सवाच्या पवित्र वातावरणात हे मंदिर श्री गणरायाच्या चरणी अर्पण करण्यात आले असून, मंदिराच्या भव्यतेसोबतच त्यातील सूक्ष्म कलाकुसर आणि 3D प्रिंटिंग तंत्रज्ञानामुळे हे विशेष आकर्षण ठरत आहे.

Kind

Story

Place

Pune

Art

Architecture (Vāstu-vidyā) · Kala 29

Contributed by

Recorded, name withheld by the contributor

Submitted

19 September 2026

Accepted

20 September 2026