एकत्र कुटुंब

बाप्पा घरी येणार म्हटल्यावर जल्लोष, मजा, मस्ती, प्रसाद, आरत्या हे सर्व आलं आणि ते 5 दिवस म्हणजे आपण एका वेगळ्याच दुनियेत आहोत असं वाटत आणि असं वाटण्याचं कारण म्हणजे आमची कावतकरांची भावकी. आमच्या भावकीचा सर्वांचा मिळून एकच गणपती आहे आणि त्याची सेवा सर्वजण मनोभावे करत असतात. मग त्यात मकर बनवणे. पताका लावून घर सजवणे इत्यादी सर्व गोष्टी एकत्र मिळून मजा मस्ती करत पार पाडल्या जातात. रात्रीच होणारं भजन, फुगड्या, आरत्या, एकत्रित जेवण असं सर्व काही 5 दिवस धुमधाम असतो. बाप्पा येणार म्हटल्यावर सर्व भावकीतले लोक अगदी पुणे, मुंबई, दुबई पासून आमच्या या हर्डी गावात धाव घेतात. बाप्पा येतो तो फक्त आशिर्वाद देत नाही तर सर्वांना एकत्र घेऊन येतो आमच्या नात्यात गोडवा निर्माण करतो. आमचं कुटुंब आमची भावकी अजूनही एकत्र आहे याची जाणीव होते. बाप्पा अशी आपुलकीची भावना, तुझी साथ, तुझा आशिर्वाद, तुझी कृपा आमच्या कावतकर कुटुंबियांवर कायम राहुदेत. गणपती बाप्पा मोरया.

Kind

Story

Place

Ratnagiri

Art

Choral Recitation (Sampāṭhya) · Kala 5

Contributed by

Recorded, name withheld by the contributor

Submitted

19 September 2026

Accepted

19 September 2026