गणेशोत्सव संस्कृती, परंपरा आणि पर्यावरणाचा संदेश

१०९ वर्षांची परंपरा जपणारा प्रफुल्ल पाटील कुटुंबाचा गणेशोत्सव वसईतील प्रफुल्ल पाटील यांच्या घरी गेल्या १०९ वर्षांपासून गणेशोत्सवाची अखंड परंपरा जपली जात आहे. या उत्सवाचे विशेष वैशिष्ट्य म्हणजे गेल्या १०९ वर्षांपासून बाल गणेशमूर्तीचीच प्रतिष्ठापना केली जाते. वर्षानुवर्षे मूर्तीच्या स्वरूपात कोणताही बदल न करता ही परंपरा आजही तितक्याच श्रद्धेने आणि उत्साहाने सुरू आहे. या गणेशोत्सवाचे आणखी एक वैशिष्ट्य म्हणजे दरवर्षी सादर केले जाणारे चलचित्र देखावे. केवळ मनोरंजन हा उद्देश न ठेवता या देखाव्यांच्या माध्यमातून सामाजिक विषयांवर जनजागृती आणि लोकप्रबोधन केले जाते. यावर्षीच्या देखाव्यात “Eco-Friendly वसई-विरार” ही संकल्पना साकारण्यात आली आहे. पर्यावरण संवर्धनाचा संदेश देतानाच वसई-विरारचा भौगोलिक परिसर, स्थानिक वैशिष्ट्ये आणि सांस्कृतिक परंपरा देखाव्याच्या माध्यमातून सुंदर पद्धतीने मांडण्यात आली आहे. १०९ वर्षांची श्रद्धा, परंपरा आणि सामाजिक प्रबोधनाची वाटचाल जपत प्रफुल्ल पाटील यांच्या कुटुंबाचा हा गणेशोत्सव वसईच्या सांस्कृतिक वारशाचा एक सुंदर ठेवा ठरला आहे.

Kind

Story

Place

Palghar

Art

Costume and Stagecraft (Nepathya-yoga) · Kala 11

Contributed by

Recorded, name withheld by the contributor

Submitted

19 September 2026

Accepted

19 September 2026