घनश्याम आणि बाप्पाची समाजसेवा 🙏

एका गावात घनश्याम नावाचा तरुण गणेश मंडळाचा कार्यकर्ता होता. बाप्पावर त्याची मनापासून श्रद्धा होती. दरवर्षी गणेशोत्सवात मंडळात मोठी सजावट, रोषणाई आणि विविध कार्यक्रम होत असत. पण घनश्यामचा एक वेगळाच विचार होता. तो मंडळातील तरुणांना म्हणायचा, “आपण बाप्पाची दहा दिवस पूजा करतो; पण या दहा दिवसांत बाप्पाच्या नावाने आपल्या गावासाठी काहीतरी चांगलं कामही करूया.” सर्वांनी मिळून गावात स्वच्छता मोहीम सुरू केली. रस्ते, मंदिर परिसर आणि सार्वजनिक ठिकाणांची साफसफाई केली. दुसऱ्या दिवशी मंडळाने वृक्षारोपण केले. प्रत्येक कार्यकर्त्याने एक झाड लावून त्याची जबाबदारी घेतली. त्यानंतर मंडळाने गरजू विद्यार्थ्यांसाठी वह्या, पुस्तके आणि शैक्षणिक साहित्य जमा केले. एका दिवशी गावातील एका गरजू व्यक्तीला रक्ताची तातडीने गरज असल्याचे समजले. घनश्यामने मंडळाच्या तरुणांना एकत्र केले आणि रक्तदान शिबिर आयोजित केले. मंडळातील एका कार्यकर्त्याने घनश्यामला विचारले, “घनश्याम, आपण बाप्पासाठी एवढं सगळं करतोय… पण बाप्पाला यातून काय मिळतं?” घनश्याम बाप्पाच्या मूर्तीकडे पाहून हसला आणि म्हणाला, “आपल्या समाजातील एखाद्या माणसाच्या चेहऱ्यावर आनंद आला, एखादं झाड मोठं झालं, एखाद्या विद्यार्थ्याचं शिक्षण सुरू राहिलं आणि एखाद्याला वेळेवर रक्त मिळालं… तेच बाप्पाला मिळालेलं खरं नैवेद्य आहे.” गणेश विसर्जनाच्या दिवशी घनश्यामने बाप्पासमोर हात जोडले. “बाप्पा, पुढच्या वर्षी पुन्हा ये… पण तोपर्यंत आम्हाला तुझ्या नावाने समाजासाठी काम करण्याची ताकद दे.” मंडळातील सर्व तरुणांनी एकत्र घोषणा दिली— “गणपती बाप्पा मोरया! समाजसेवेचा संकल्प मोरया!” 🙏❤️

Kind

Story

Place

Ratnagiri

Art

Rules of Discipline (Vainayikī vidyā) · Kala 63

Contributed by

Recorded, name withheld by the contributor

Submitted

18 September 2026

Accepted

18 September 2026