विश्वविनायक मल्टिस्टेटचा पर्यावरणपूरक संकल्प, श्री. मोदक शहाणे यांच्या संकल्पनेतून!

गणेशोत्सवाच्या आनंदात पर्यावरण संवर्धनाचा संदेश देत, विश्वविनायक मल्टिस्टेटचे संस्थापक चेअरमन मा. श्री. मोदक प्रभाकर शहाणे यांच्या संकल्पनेतून यावर्षी एक सुंदर उपक्रम राबविण्यात आला. गणेशोत्सवात दररोज सकाळ व संध्याकाळच्या आरतीसाठी येणाऱ्या मानकऱ्यांना आंब्याचे रोप भेट देऊन निसर्ग जपण्याचा संदेश देण्यात आला. बाप्पाच्या आशीर्वादासोबत मिळालेलं हे रोप प्रत्येकाच्या अंगणात रुजावं, वाढावं आणि पर्यावरण संवर्धनाची प्रेरणा देत राहावं, हाच या उपक्रमामागचा सुंदर उद्देश. यंदाच्या गणेशोत्सवात विश्वविनायक मल्टिस्टेटच्या पाथर्डी, शेवगाव, कोरडगाव, नेवासा व अहिल्यानगर शाखांमध्ये हा पर्यावरणपूरक उपक्रम उत्साहात राबविण्यात येत आहे. प्रत्येक शाखेत आरतीच्या मानकऱ्यांना आंब्याचे रोप भेट देत ‘उत्सवासोबत पर्यावरणाचाही विचार’ हा सकारात्मक संदेश समाजापर्यंत पोहोचविण्याचा प्रयत्न केला जात आहे. या उपक्रमाला विश्वविनायकच्या सर्व शाखांतील अधिकारी व कर्मचारीवृंदाचाही उत्स्फूर्त सहभाग लाभत आहे. निसर्गाप्रती आपली जबाबदारी, लावलेल्या प्रत्येक रोपाचे संगोपन व्हावे आणि आजचा छोटासा संकल्प उद्याच्या हिरव्यागार भविष्यासाठी मोठे योगदान ठरावा, हीच विश्वविनायक परिवाराची भावना आहे. एक रोप – एक संकल्प, हरित भविष्यासाठी!

Kind

Story

Place

Ahilyanagar

Art

Horticulture (Vṛkṣāyurveda-yoga) · Kala 53

Contributed by

Recorded, name withheld by the contributor

Submitted

18 September 2026

Accepted

18 September 2026