सांगली चे आराध्य.. गणपती

1/2

🌺 गणपती बाप्पा मोरया! 🌺 “हाक मनापासून असली की, बाप्पा कधीच दूर राहत नाही… श्रद्धा खरी असली की, कृपेची वाट पाहावी लागत नाही!” 🙏 १९९५ साली माझं लग्न झालं. भोसे गावात संसार सुरू झाला. घरची परिस्थिती गरीब, अडचणी भरपूर… आणि त्यात मुलं होत नव्हती. घरचे आणि शेजारी टोमणे मारायचे. त्या वेळी माझा आणि माझ्या पतीचा एकच आधार होता — गणपती बाप्पा! मी संकष्टी चतुर्थीचे उपवास सुरू केले. प्रत्येक संकष्टीला बाप्पाचं दर्शन घ्यायचं आणि मनातलं त्यांच्याशी बोलायचं. आमचा नवस एकच — “बाप्पा, आम्हाला मूल दे.” आणि बाप्पाची कृपा झाली… संकष्टी चतुर्थीला आमच्या घरी मुलगी झाली — प्राजक्ता. ❤️ आनंद झाला, पण लगेचच “मुलगा हवा” अशी अपेक्षा सुरू झाली. म्हणून पुन्हा बाप्पाच्या चरणी प्रार्थना केली. आणि अंगारकी संकष्टीला मुलगा झाला — ओंकार! 🙏 आज दोन्ही मुलांची लग्नं झाली आहेत, नातवंडं आहेत आणि संसार सुखाने चालला आहे. पण माझ्या या अनुभवातून मला एक गोष्ट सांगायची आहे— माझा नवस नारळाचा नव्हता, ना अगरबत्तीचा, ना पेढ्यांचा… माझा नवस फक्त श्रद्धेचा होता. बाप्पाशी माझा संवाद वस्तूंचा नव्हता… तो मनाचा मनाशी होता. कधीकाळी मी भोसे गावातून बाप्पाला हाक मारायचे… आणि आज त्यांच्याच नगरीत, सांगलीत राहते. म्हणून माझ्यासाठी एकच सत्य— “नवस वस्तूचा नसतो… नवस श्रद्धेचा असतो!” 🙏🌺 गणपती बाप्पा मोरया! मंगलमूर्ती मोरया! 🙏

Kind

Story

Place

Sangli

Art

Rules of Discipline (Vainayikī vidyā) · Kala 63

Contributed by

Recorded, name withheld by the contributor

Submitted

18 September 2026

Accepted

18 September 2026