तळणीचे मोदक

गव्हाचे पीठ, गूळ, खोबरे आणि रव्यापासून बनवले जाणारे हे पारंपरिक उकडीचे किंवा तळणीचे मोदक चवीला अत्यंत उत्कृष्ट लागतात. कृती १. सारण बनवणे पॅनमध्ये १ चमचा तूप गरम करून खसखस आणि २ चमचे रवा १-२ मिनिटे मंद आचेवर भाजून घ्या. त्यात किसलेले खोबरे घालून २ मिनिटे परता. आता गूळ घाला आणि मंद आचेवर गूळ वितळेपर्यंत मिश्रण सतत ढवळत राहा. मिश्रण जास्त कोरडे किंवा जास्त घट्ट करू नका. शेवटी वेलची पूड घालून गॅस बंद करा आणि सारण थंड होऊ द्या. २. कणीक मळणे एका परातीत गव्हाचे पीठ, २ चमचे रवा आणि चिमूटभर मीठ एकत्र करा. त्यात २ चमचे गरम तुपाचे मोहन घालून पीठ हाताने व्यवस्थित चोळून घ्या. (रव्यामुळे मोदक छान कुरकुरीत होतात). थोडे थोडे कोमट पाणी घाला आणि घट्ट कणीक मळून घ्या. १०-१५ मिनिटे कणीक झाकून ठेवा. ३. मोदक वळणे मळलेल्या कणकेचे छोटे गोळे तयार करा आणि त्यांची लहान पुरी लाटून घ्या (कडा पातळ ठेवा). मध्यभागी तयार केलेले सारण ठेवा. पुरीच्या कडांना चुण्या (कळ्या) पाडून सर्व चुण्या वर एकत्र आणून मोदकाचा आकार द्या आणि वरचे टोक बंद करा. ४. तळणे (किंवा उकडणे) तळणीचे मोदक: कढईत मंद ते मध्यम आचेवर तेल/तूप गरम करा. मोदक सोनेरी आणि कुरकुरीत होईपर्यंत तळून घ्या. उकडीचे मोदक: मोदकपात्रात किंवा चाळणीवर केळीचे/हळदीचे पान ठेवून १५ मिनिटे मोदक वाफवून घ्या. गरमागरम मोदकावर साजूक तूप टाका मोदक तयार

Kind

Recipe

Place

Pune

Art

Cooking (Citra-śāka-pūpa-bhakṣya-vikāra-kriyā) · Kala 42

Contributed by

Recorded, name withheld by the contributor

Submitted

18 September 2026

Accepted

18 September 2026