लालबागचा राजा

▶1/2

▶

खूप वर्षांपासून मनात एक इच्छा होती… लालबागच्या राजाचं दर्शन घ्यायचं. 🙏 यावर्षी घरी बाप्पा नसेल, म्हणून मनात एक प्रश्न होता… यावर्षी गणपतीचं काय करायचं? कुठे जायचं? आणि मग अचानक मनात आलं—कदाचित बाप्पानेच मला बोलावलंय. मग ठरवलं… घरी बाप्पा नसेल तर काय झालं? आपला लालबागचा राजा तर आहे ना! चला, यावर्षी बाप्पाला भेटायला लालबागला जाऊया. आणि मग सुरू झाला तो प्रवास… बाप्पाच्या दर्शनासाठी तब्बल १२-१३ तास वाट पाहायची. इतका मोठा वेळ… कधी उन्हात, कधी गर्दीत, कधी थकवा जाणवत होता. त्या क्षणी मनात एकच विचार होता—कधी एकदा बाप्पाचं दर्शन होतंय. 🙏 पण खरं सांगायचं तर, या १२-१३ तासांच्या प्रवासात एक गोष्ट जाणवली… आपण किती वेळ वाट पाहिली, किती तास उभे राहिलो, किती थकलो… हे सगळं बाप्पासमोर गेल्यावर अक्षरशः एका क्षणात विसरून जातो. ❤ तो दर्शनाचा क्षण येतो ना… आणि समोर बाप्पा दिसतात… तेव्हा त्या १२ तासांचा थकवा कुठेच जाणवत नाही. उरतो तो फक्त आनंद, उत्साह आणि मन भरून येणारी एक वेगळीच भावना. ? आपण म्हणतो ना, “मी खूप प्रतीक्षा केली… मी इतके तास उभी राहिले…” पण बाप्पाचं दर्शन झाल्यावर जाणवतं— ही प्रतीक्षा काहीच नव्हती, कारण त्या एका क्षणासाठी हे सगळं नक्कीच सार्थ होतं. ?🌺 आजच्या दर्शनातून हा अनुभव खरंच मनापासून घेतला… बाप्पा, तू बोलावलंयस म्हणून आलो आणि तुझं दर्शन झालं… यापेक्षा मोठं समाधान आणखी काय असणार गणपती बाप्पा मोरया! 🙏🌺 लालबागचा राजा मोरया

Kind

Story

Place

Thane

Art

Rules of Discipline (Vainayikī vidyā) · Kala 63

Contributed by

Recorded, name withheld by the contributor

Submitted

18 September 2026

Accepted

18 September 2026