गणपती आमचा सर्व सिद्धीचा

गणपती आमचा सर्व सिद्धीचा सन1925 पासून आमच्या घरामध्ये हा गणेशोत्सव मोठ्या दिमाखात संपन्न होतो .पूर्वी एकत्र कुटुंब होते परंतु आता जरी विभक्त कुटुंब राहत असली तरीही गणेशोत्सवानिमित्त मात्र सर्वजण एकत्र येतात व गणेशोत्सव साजरा करतात . केवळ या गणेशोत्सवामुळेच आमच्या अनेक पिढ्या वर्षानुवर्ष एकत्र आहेत . म्हणजे त्यांच्यामध्ये अजूनही प्रेम बंधुभाव आहे. या गणेशोत्सवामुळे पूर्वतयारीच्या निमित्ताने घराची ,परिसराची स्वच्छता होते. तसेच जेव्हा गणेशासमोर धूप -दिप जाळला जातो त्यामुळे घरातील जीव जंतू नष्ट होतात. गणेशाची पूजा करताना आम्ही दुर्वा , फुले व पत्री वाहतो तसेच आरास करताना कवंडल ,कंगन्या वापरतो त्यामुळे निसर्गाच्या जवळ जातो निसर्गाचे महत्त्व जाणून देण्यासाठी बाप्पा आपल्याला मदत करतो. आमच्या गणपतीला आम्ही 101 उकडीच्या मोदकांचा नैवेद्य दाखवतो . 1101 दुर्वांचा अभिषेक केला जातो. हे सर्व एवढे मोठे काम सर्व मिळून एकत्र करतात. त्यामुळे अगदी सहज होते. गप्पा गोष्टी करत हसत खेळत हे सर्व केले जाते. गणेशोत्सवानिमित्त खूप पौष्टिक पदार्थ उकडीचे मोदक, काकडीचे वडे, तांदुळाची खीर, ऋषीची भाजी भाकरी, पंचामृत, नैवेद्य असे अनेक पौष्टिक पदार्थ खायला मिळतात. परंपरेने कायम बाप्पाला लागतात म्हणून हे पदार्थ केले जातात परंतु त्यामुळे असे पौष्टिक पदार्थ पिढ्यान पिढ्या असे पुढच्या पिढीसाठी आताच्या पिझ्झा बर्गर च्या जमान्यात आरोग्यदायी आहाराचा संदेश देऊन जातात. आमच्या मुलांना हे पदार्थ गणेशोत्सवात खायला मिळतात . म्हणजे हा गणेशोत्सव आपल्याला आरोग्यदायी आहाराचा संदेश देऊन जातो. गणेशोत्सवानिमित्ताने आमच्याकडे आरतीसाठी सर्व कुटुंब एकत्र येते त्यावेळी प्रत्येकाच्या कलागुणांना वाव मिळतो कोणी भजन गाते, कोणी वाद्य वाजवतात, कोणी स्पष्ट व शुद्ध शब्दात अथर्वशीर्ष ,मंत्रपुष्पांजली म्हणतात. गणेशासाठी सुंदर आरास करतात, कोणी सुरेख रांगोळी काढतात. तर काहीजण सुंदर व आकर्षक मोदक तयार करतात. यानिमित्ताने सगे/ सोयरे ,आप्तेष्ट मित्र मंडळी , घरी येतात गप्पा मारता, झिम्मा फुगडी खेळतात, गाणी भजन म्हणतात खूप मजा मस्ती करतात, खूप धमाल करतात आपण म्हणतो की विज्ञानाचे युग आहे. गणेशाची मूर्ती हास्यास्पद वाटणारे आहे परंतु ती प्रतीकात्मक आहे

Kind

Story

Place

Ratnagiri

Art

Choral Recitation (Sampāṭhya) · Kala 5

Contributed by

Recorded, name withheld by the contributor

Submitted

17 September 2026

Accepted

17 September 2026