चामोर्शी तालुक्यातील कुनघाडा (रै.) येथे 12 ते 13 वर्षांपासून मोठ्या उत्साहात श्री. गणेशाची स्थापना

गडचिरोली जिल्ह्यातील चामोर्शी तालुक्यातील कुनघाडा रयतवारी (बाजारपेठ) येथील 'सत्यमेव जयते युवा गणेशोत्सव मंडळ' दरवर्षीप्रमाणे यंदाही सामाजिक व क्रीडा उपक्रमांच्या माध्यमातून आपला गणेशोत्सव मोठ्या उत्साहात साजरा करत आहे. गेल्या १२ ते १३ वर्षांपासून सातत्य राखत या मंडळाने गावात एकात्मता आणि समाजप्रबोधनाचा आदर्श निर्माण केला आहे. ​मंडळाच्या वतीने दरवर्षी गणेशोत्सवाच्या काळात केवळ धार्मिक पूजाअर्चा न करता युवकांच्या कलागुणांना वाव देणारे विविध कार्यक्रम आयोजित केले जातात. यामध्ये प्रामुख्याने भव्य कबड्डी स्पर्धांचे आयोजन केले जाते, ज्यामध्ये अनेक संघ सहभागी होतात. खेळाच्या माध्यमातून तरुणांमध्ये शारीरिक तंदुरुस्ती आणि शिस्त निर्माण करण्याचा मंडळाचा हा प्रयत्न ग्रामस्थांच्या कौतुकास पात्र ठरत आहे. ​मंडळातील सर्व तरुण कार्यकर्ते एकत्र येऊन, कोणत्याही मतभेदांशिवाय हा उत्सव भव्यदिव्य स्वरूपात साजरा करतात. सामाजिक बांधिलकी जपणारे विविध उपक्रम आणि शिस्तबद्ध नियोजनामुळे या मंडळाचा गणेशोत्सव आकर्षणाचा केंद्रबिंदू ठरत असून परिसरातील भाविक व नागरिक दर्शनासाठी येत आहे.

Kind

Story

Place

Gadchiroli

Art

Games of Skill (Ākarṣa-krīḍā) · Kala 52

Contributed by

उमेश गझल.

Submitted

17 September 2026

Accepted

17 September 2026