माझी आवड

माझी आवड मला अगदी लहान पणापासूनच गणपतीची खूप आवड होती. मला आठवत मी लहान असतांना माझ्या मोठ्या बहीणीने विद्याताई मला गणपतीची मुर्ती बनवून दिली होती. ती मी आमच्या जुन्या घरात देवळीत स्थापन केली होती. माझी मोठी बहीण ही दर गणेश उत्सवाला गणपतीची मुर्ती बनवायची. तिची गणेश मुर्ती बनविण्याची एक खास पध्दत होती. ती प्रथम गणपतीचे आसन बनवायची त्यावर त्याचे स्वस्तिकाच्या आकाराचे पाय तयार करायची आणि भिंतीवर जसा कोरलेला बाप्पा असतो तसा तो तयार करायची. मी पाचवी पासून गणपतीची मुर्ती स्वत: तयार करायला लागलो हे आढवत. मी दरवर्षी मातीची गणपती मुर्ती बनवायचो. आम्ही मित्र गणपती मुर्ती बनविण्यासाठी लाल माती आणन्यासाठी अगदी दुरवर शेतात जात होतो. दरवर्षी मला गणेश मुर्ती बनविण्याची फार आवड होती. ही आवड मी माझ्या मामाकडे शिकायला गेल्यावरही जोपासली आणि मावशीकडे जेव्हा मी शिकायला होतो तेव्हा तर मावशी अगदी 10 दिवसाचा गणपती बसवायची. तेव्हा तर माला खुप भारी वाटायच. मी दर वर्षी विविधा आकारातील गणपती मुर्ती बनवायचो कधी पाटावरील, कधी विष्णू रुपातील शेषनागावर बसलेली, तर कधी पृथ्वीगोलावर उभी अशा मुर्ती बनवायचो. मवशीकडील 10 पर्यंतचे शिक्षण झाल्यानंतर मी पुढील शिक्षणासाठी पुसद येथे होस्टेलला गेलो. तिथे मला गणेश मुर्ती कराता आली नाही तर मी माझ्या होस्टेलच्या लोखंडी पेटीत अगदी स्पंज पासून छोटीसी मुर्ती तयार करुन स्थापन केले व तिचे विसर्जनही केले होते. पुढे चालून मी नोकरीला कोकणात लागलो तेव्हा लग्नाआधी मातीची मुर्ती करुन रुमला बसवायचे अगदी पुजा वगैरे सर्व करायचो. रुमला गणपतीची मुर्ती कायम पुजेला ठेवायला लागलो. लग्न झाल्यानंतर पुजेच्याच गणपतीच्या मुर्तीची आम्ही गणेशोत्सवात पुजन तसेच सजावट करायचो. मातीची वेगळी मुर्ती बनवायचो नाही. त्यामुळे ही आवड कुठेतरी मागे पाडली. पण एक दिवशी माझ्या मावशीने तु लहानपणी जशी बाप्पाची मुर्ती बनवून दर गणेश उत्सवाला बसवायचा तशी बसवत जा असे सांगितले. त्यावर्षी पासून परत मी दर गणेशोत्सवाल गणपतीची मातीची मुर्ती बनवून बसवायला लागलो. गणपतीची मुर्ती बनवतांना मला खुप समाधान मिळते. आपणच बनविलेले मुर्ती तासन् - तास पाहात रहावीशी वाटते. यावर्षी मी पालीचा बल्लाळेश्वर बनविला आहे

Kind

Story

Place

Ratnagiri

Art

Children's Toys (Bālaka-krīḍanaka) · Kala 33

Contributed by

Recorded, name withheld by the contributor

Submitted

17 September 2026

Accepted

17 September 2026