आमचा पाटस चा गणपती बाजार

🌺 पाटसचा बाजार… आज फक्त भरला नव्हता, तर बहरला होता! 🌺 आज पाटसचा बाजार फक्त भरला नव्हता, तर बहरला होता…! कारण आजचा बाजार होता बाप्पाच्या सजावटीचा! 🥰🙏🏻 देखण्या बाप्पांच्या मूर्ती, पूजेचे साहित्य, फुलांच्या माळा, हार, नारळाची तोरणं आणि आकर्षक लाइटिंगच्या माळांनी संपूर्ण बाजार उजळून निघाला होता. त्यात दुकानदाराच्या साउंड सिस्टिममधून “अशी चिक मोत्याची माळ…” हे गाणं वातावरणात आणखीनच उत्साह भरत होतं. 🎶 एका बाजूला बाप्पाच्या सुंदर मूर्ती, फळं, हार, धूप-दीप… तर दुसऱ्या बाजूला मिठाईच्या दुकानातील काचेतून डोकावणारे मोदक मनाला अक्षरशः मोहून टाकत होते. 🍥 आपला हा चौक नेहमीच गजबजलेला असतो. अनेक व्यावसायिक मंडळी, त्यांची दुकानं, बाजारातील रोजची लगबग… आणि त्याचबरोबर राजकीय डावपेचांपासून दिल्ली ते गल्लीपर्यंतचं नॉलेज असणारी मंडळीही इथे सहज भेटतात! 😄 जास्त थकवा आला तर चहा असतोच! ☕ पैशांची गरज पडली तर जागेवर ATM सुद्धा आहे. म्हणजे एकदा या बाजारात प्रवेश केला की दुसरीकडे जाण्याची गरजच पडत नाही! या बाजाराचं आणखी एक वैशिष्ट्य म्हणजे इथे मित्र भेटतात, गप्पा रंगतात, जुन्या आठवणी जाग्या होतात आणि नव्या आठवणी तयार होतात. खरंच… गणेशोत्सव हा केवळ उत्सव नाही, तर सर्वांना एकत्र घेऊन जाणारा उत्सव आहे. आजचा पाटसचा बाजारही त्याच एकतेचा, उत्साहाचा आणि आपल्या परंपरेचा उत्सव वाटत होता. 🚩🙏🏻 गणपती बाप्पा मोरया! ❤️🌺 — अजित ढवाण ✍🏼

Kind

Story

Place

Kangaon

Art

Arranging a Chamber (Śayana-racanā) · Kala 41

Contributed by

Recorded, name withheld by the contributor

Submitted

17 September 2026

Accepted

17 September 2026