बाप्पा आले… निसर्गाच्या कुशीत आणि एक संदेश देऊन!

यंदाचा गणेशोत्सव काहीसा वेगळा असावा… असा विचार पंचशील माध्यमिक विद्यालय, न्याहलीने केला. बाप्पा यावेत… भक्तीचा आनंद घेऊन यावेत, पण जाताना आपल्या मनात निसर्ग जपण्याचा एक विचारही ठेवून जावेत. म्हणून शाळू मातीपासून बाप्पाची मूर्ती साकारण्यात आली. सजावटीसाठी पारंपरिक वस्तू वापरण्यात आल्या, तर काही टाकाऊ वस्तूंना नव्याने आकार देत सुंदर सजावट करण्यात आली. विद्यार्थ्यांनीही या संकल्पनेत मनापासून सहभाग घेतला… आणि गावाकडच्या मातीच्या सुगंधात, भक्तिभावाच्या वातावरणात बाप्पाचे आगमन झाले. पण बाप्पाच्या चरणांजवळ ठेवलेली एक छोटीशी कुंडी… सगळ्यांचे लक्ष वेधून घेत होती. त्या कुंडीत रुजवण्यात आले होते एका झाडाचे छोटेसे बीज. 🌱 आज ते फक्त एक बीज आहे… पण उद्या ते एक मोठं झाड होणार आहे. बाप्पाचे विसर्जन होईल… पण बाप्पाच्या चरणांजवळ रुजलेले हे रोपटे मात्र वाढत राहील. बाप्पाला निरोप देताना, त्यांच्या आशीर्वादासोबत निसर्गाची ही जबाबदारीही आपण पुढे नेणार आहोत. कारण पंचशीलचा हा गणेशोत्सव सांगतो… “बाप्पा आले काही दिवसांसाठी, पण त्यांचा संदेश राहील… कायमचा!” 🌱🙏 गणपती बाप्पा मोरया!

Kind

Story

Place

Dhule

Art

Flower Displays (Puṣpa-śakaṭikā) · Kala 26

Contributed by

Recorded, name withheld by the contributor

Submitted

16 September 2026

Accepted

16 September 2026