पावणारा गणपती

🌹🌹🌹🌹🌹 जय श्री गणेश 🌹🌹🌹🌹🌹 ही घटना माझ्यासोबत घडलेली आहे. हा माझा श्रद्धेचा भाग आहे. तो इतरांसाठी तसाच असू शकेल हे मी सांगू शकत नाही. मात्र माझ्यासोबत घडलेला भाव मी तुम्हाला सांगू इच्छितो. गणपती विसर्जनानंतर होणारे निसर्गाची हानी तसेच आस्थावस्त पडलेले गणपती पाहून माझ्या मनात एक विचार आला. आणि मी माझ्या घरातील गणपती समोर तो मनोभावे मांडला. तो असा की, आपण महालक्ष्मी समोर किंवा इतर देवांसमोर गुढी लावणे हा प्रकार करत असतो. त्याचप्रमाणे मी माझ्या घरातील गणपती समोर गुढी मांडून माझे म्हणणे त्यांना सांगितले. आता गुढी हा प्रकार म्हणजे काय? तर गुढी लावणे म्हणजे एक नवीन छोटा कापड घेऊन त्यामध्ये माचिसच्या पाच काड्या ठेवल्या. त्या काळ्या गुंडाळून त्यावर कुंकू हळद वाहिले. आणि माझी इच्छा गणपती समोर व्यक्त केली. ती अशी की, मला यावेळेस तुमचे विसर्जन करावयाचे नाही. मला तुम्हाला दरवर्षी माझ्या घरात ठेवायची इच्छा आहे. आणि निसर्गाची होणारी हानी सुद्धा टाळायची आहे. आणि विसर्जनानंतर होणारी तुमची विटंबना ही मला पहावत नाही. त्यामुळे दरवर्षी तुमच्या ह्याच मूर्तीची स्थापना मला करावयाची आहे. जर माझे म्हणणे योग्य असेल तर कृपया गुढी द्या. असे म्हटल्यानंतर माझ्या मताशी सहमत असणारी गुढी परमेश्वराने मला दिली. ती अशी की माझ्या उघड्या डोळ्यांसमोर गुंडाळून ठेवलेल्या माचिस च्या काड्या संपूर्ण वर आल्या. हे वैज्ञानिक दृष्टिकोनातून पटणारी बाब नाही. हे मला मान्य आहे. आणि मी ती सिद्धही करू शकत नाही. याचीही मला जाणीव आहे. मात्र माझ्यासोबत घडणारी बाब आपल्यासमोर प्रामाणिकपणे मांडतो. तसेच मला अंधश्रद्धा सुद्धा पसरवायची नाही. पण हे माझे म्हणणे शंभर टक्के खरे आहे हे मी माझ्या मुलाबाळांच्या शपथेसह सांगू शकतो. आपण माझा विश्वास करा अथवा न करा. याबाबत मला तमा नाही. परंतु मला आलेला स्वानुभव हा सूर्यप्रकाशाएवढा खरा आहे. एवढेच सांगून मी माझे म्हणणे थांबवितो. 🌹🌹🌹 जय श्री गणेश 🌹🌹🌹

Kind

Story

Place

Buldhana

Art

Reading Omens (Nimitta-jñāna) · Kala 61

Contributed by

Recorded, name withheld by the contributor

Submitted

16 September 2026

Accepted

16 September 2026