चव्हाण कुटुंबाचा बाप्पा – २३ वर्षांची कौटुंबिक परंपरा

चव्हाण कुटुंबात गेल्या २३ वर्षांपासून गणपती बाप्पाची ही कौटुंबिक परंपरा श्रद्धेने आणि उत्साहाने जपली जात आहे. आमच्या कुटुंबातील अनेक सदस्य कामानिमित्त मुंबईत राहतात, तर काहीजण देवली गावात राहतात. मात्र बाप्पाच्या आगमनाचे सात दिवस आम्हा सर्वांना पुन्हा एकत्र आणतात. मुंबई आणि गावात राहणारे संपूर्ण चव्हाण कुटुंब बाप्पासाठी देवली गावात एकत्र येते. या सात दिवसांत आम्ही बाप्पाची मनोभावे सेवा करतो. पूजा, आरती, भजन, एकत्र जेवण, गप्पा, फुगडी आणि कुटुंबासोबतचा आनंद हे आमच्या गणेशोत्सवाचे खास वैशिष्ट्य आहे. पेटी आणि तबल्याच्या साथीने संपूर्ण कुटुंब एकत्र येऊन भक्तिभावाने आरती करते. लहानांपासून मोठ्यांपर्यंत प्रत्येकजण या उत्सवात सहभागी होतो. यावर्षी आमची संकल्पना “वडाच्या छायेत बाप्पा” अशी आहे. पाठीमागे वडाचे झाड आणि त्याच्या छायेत विराजमान बाप्पा (स्वामींच्या रूपात), भक्तांना आशीर्वाद देत असल्याची भावना या संकल्पनेतून मांडली आहे. या सजावटीतून निसर्ग, श्रद्धा आणि भक्ती यांचा सुंदर संगम साकारण्याचा आमचा प्रयत्न आहे. शहराच्या धावपळीपासून दूर, कोकणातील आपल्या गावात बाप्पाच्या निमित्ताने संपूर्ण कुटुंबाने सात दिवस एकत्र येणे हीच आमच्या गणेशोत्सवाची खरी ओळख आहे. गेल्या २३ वर्षांपासून बाप्पा आमच्या कुटुंबाला एकत्र आणत आहे. हीच भक्ती, आपुलकी आणि कौटुंबिक परंपरा पुढील पिढ्यांपर्यंत जपली जावी, हीच बाप्पाच्या चरणी प्रार्थना.

Kind

Story

Place

Maharashtra

Art

Choral Recitation (Sampāṭhya) · Kala 5

Contributed by

Recorded, name withheld by the contributor

Submitted

15 September 2026

Accepted

15 September 2026