पर्यावरणपूरक गणेश उत्सव साजरा करुया

🌺 पर्यावरणपूरक श्रींची स्थापना: परंपरा संस्कृतीची आणि निसर्गरक्षणाची! 🌺 गेल्या वीस वर्षापासून अनेक ठिकाणी मातीच्या आणि शाडू मातीच्या मूर्ती तयार करण्याचे प्रशिक्षण विद्यार्थ्यांना मोफत देत असतो तसेच पर्यावरण पूरक गणपती उत्सवामध्ये दहा दिवस दहा विविध भावमुद्रेतील गणरायाची विविध्द रुप साकारुन त्याचे प्रदर्शन आयोजीत केल्या जाते, याही वर्षी हा उपक्रम सुरू केला आहे परंपरागत स्वरूपामध्ये आमच्या घरी मातीच्या गणरायाच्या मूर्तीची स्थापना करून विधिवत पूजा केली जाते तीच परंपरा आम्ही पुढेही सुरू ठेवली आहे. गेल्या १० वर्षांपासून 'पोलीस स्टेशन आखाडा बाळापूर' येथे स्वतःच्या हातांनी साकारलेली शाडू मातीच्या पर्यावरणपूरक गणेशमूर्ती स्थापनेसाठी देण्याची आमची परंपरा या वर्षीही अतिशय उत्साहात पार पडली. पर्यावरणपूरक गणेशोत्सव साजरा व्हावा आणि निसर्गाचा समतोल राखला जावा, या उद्देशाने सुरू केलेल्या या उपक्रमात यावर्षी आमचा मुलगा चि. शिवार्थ दारवेकर याने स्वतः अत्यंत अगत्याने आणि श्रद्धेने घडवलेली सुंदर शाडू मातीची गणेशमूर्ती पोलीस निरीक्षक मा. श्री. शरद मरे सर यांच्याकडे सस्नेह सुपूर्द केली. मी (दिलीप दारवेकर) उपस्थित होतो. प्लास्टर ऑफ पॅरिस ऐवजी शाडू मातीचा वापर करून निसर्गाचे रक्षण करणे ही आजच्या काळाची गरज आहे. आमचा हा छोटासा प्रयत्न समाजाला पर्यावरणपूरक सण साजरे करण्याची प्रेरणा देवो, हीच श्री चरणी प्रार्थना! आपण सर्वांनीही या गणेशोत्सवात पर्यावरणपूरक मूर्तींचाच वापर करावा आणि निसर्ग संवर्धनाच्या या कार्यात आपले योगदान द्यावे, हे नम्र आवाहन. सर्व पोलीस बांधवांना आणि नागरिकांना गणेशोत्सवाच्या हार्दिक शुभेच्छा! 🌿🙏

Kind

Story

Place

Maharashtra

Art

Children's Toys (Bālaka-krīḍanaka) · Kala 33

Contributed by

दिलीप दारव्हेकर

Submitted

15 September 2026

Accepted

15 September 2026