घरचा गणपती बाप्पा

1997 साली माझ्या पतीने गणपती बाप्पा घरी विराजमान करण्यास सुरुवात केली होती, त्या काळात त्यांच्या वडिलांची परिस्थिती जेमतेम होती, परंतु माझे पती हे इयत्ता पाचवीत शिकत होते व गणपती बाप्पा घरी बनविण्यासाठी खूप हट्ट धरून बसले होते परंतु परिस्थिती पुढे काही नसते त्यामुळे घरून नकार मिळाला, कारण घरात फक्त बाप्पा ची मूर्ती विराजमान करून चालणार नव्हते तर दहा दिवस बापाची सेवा करणे घरात त्यासाठी नैवेद्य वैगरे बनविण्यासाठी पुरेसे साहित्य नसे व त्यासाठी खर्च परवडण्याजोगे नव्हते त्यामुळे घरून स्पष्ट नकार मिळाला त्यांना, परंतु हे सर्व कदाचित बाप्पा बघत असावेत म्हणुन माझे पती जे त्यावेळी इयत्ता पाचवीत शिकत होते ते ज्या गावी राहत होते त्या छोट्याश्या गावात बाजारपेठेत फेरफटका मारत असताना त्यांना एका दुकानात बापाच्या मुर्ती दिसल्या व ते उत्सुकता म्हणून मूर्ती बघत उभे राहिले होते, त्यावेळी दुकानदार स्वतः माझ्या पतीच्या जवळ येऊन बापाची एक मूर्ती घेऊन जाण्यासाठी आग्रह करू लागला परंतु माझ्या पतीने पैसे नसल्याचे कारण सांगून नकार दिला, गम्मत बघा त्या दुकानदाराने इतका हट्ट केला की माझे पती हे एक बालक असतानाही घरी कुठलीही विचारणा न करता त्या व्यक्तीने बाप्पा ची मूर्ती आणि घरात लागणार असलेल्या सर्व खाद्यपदार्थांच्या वस्तू उधार म्हणून दिल्या व माझ्या पतीला सांगितले की तुला जस जमेल तस तु पैसे आणून दे काही काळजी करू नकोस, व माझे पती बापाला घरी घेऊन आले व घरातील वातावरण आनंदी आनंद झाले.

Kind

Story

Place

नाशिक

Art

The Art of Victory (Vaijayikī vidyā) · Kala 64

Contributed by

Recorded, name withheld by the contributor

Submitted

15 September 2026

Accepted

15 September 2026